Tujh Sa Koi Nahee

نعتیہ کلام : پیر سید نفیس الحسینی رحمتہ اللہ

اے رسولِ امیں ﷺخاتم المرسلیں ﷺ تجھ ساﷺ کوئی نہیں تجھ سا کوئی نہیں
ہے عقیدہ یہ اپنا بہ صدق و یقیں تجھ ساﷺ کوئی نہیں تجھ سا کوئی نہیں

دستِ قدرت نے ایسا بنایا تجھےﷺ جملہ اوصاف سے خود سجایا تجھےﷺ
اے ازل کے حسیںﷺ اے ابد کے حسیںﷺ تجھ ساﷺ کوئی نہیں تجھ ساﷺ کوئی نہیں

بزم کونین پہلے سجائی گئی پھر تیری ذاتﷺ منظر پہ لائی گئی
سید الاولیں ﷺسید الا آخریںﷺ تجھ سا ﷺکوئی نہیں تجھ ساﷺ کوئی نہیں

تیرا ﷺسکّہ رواں کُل جہاں میں ہوا اس زمیں میں ہوا آسماں میں ہوا
کیا عرب کیا عجم سب ہے زیر نگیں تجھ سا ﷺکوئی نہیں تجھ ساﷺ کوئی نہیں

تیرے ﷺانداز میں وسعتیں فرش کی تیری ﷺپرواز میں رفعتیں عرش کی
تیرےﷺ انفاس میں خلد کی یاسمیں تجھ ساﷺ کوئی نہیں تجھ سا ﷺکوئی نہیں

سدرة المنتہٰی رہ گزر میں تیری ﷺ قابِ قوسین گردِ سفر میں تیریﷺ
توﷺ ہے حق کے قریں حق ہے تیرےﷺ قریں تجھ ساﷺ کوئی نہیں تجھ سا ﷺکوئی نہیں

کہکشاں ضو ترےﷺ سرمدی تاج کی زلف تاباں حسیں رات معراج کی
لیلۃ القدر تیری منور جبیں تجھ ساﷺ کوئی نہیں تجھ سا ﷺکوئی نہیں

مصطفیٰﷺ مجتبیٰﷺ تیری مدح و ثنا میرے بس میں نہیں دسترس میں نہیں
دل کو ہمت نہیں لب کو یارا نہیں تجھ سا ﷺکوئی نہیں تجھ سا ﷺکوئی نہیں

کوئی بتلائے کیسے سراپا لکھوں کوئی ہے وہ کہ میں جس کو تجھ سا ﷺکہوں
توبہ توبہ نہیں کوئی تجھ ساﷺ نہیں تجھ ساﷺ کوئی نہیں تجھ سا ﷺکوئی نہیں

چار یاروں کی شان جلی ہے بھلی ہیں یہ صدیق فاروق و عثماں علی
شاہدِ عدل ہیں یہ تیرے ﷺجانشیں تجھ ساﷺ کوئی نہیں تجھ ساﷺ کوئی نہیں

اے سراپا نفیس انفسِ دوجہاں ﷺسرور دلبراں دلبرِ عاشقاںﷺ
ڈھونڈتی ہے تجھے ﷺمیری جان حزیں تجھ سا ﷺکوئی نہیں تجھ ساﷺ کوئی نہیں