Naat Valley

Tag: Lyrics

  • ایمان ہے قالِ مُصطَفائی

    ایمان ہے قالِ مُصطَفائی
    قرآن ہے حالِ مصطفائی
    اللہ کی سلطنت کا دولہا
    نقشِ تِمْثالِ مصطفائی
    کُل سے بالا رُسل سے اَعلیٰ
    اِجْلال و جلالِ مصطفائی
    اَصحاب نُجومِ رہنما ہیں
    کشتی ہے آلِ مصطفائی
    اِدبار سے تو مجھے بچالے
    پیارے اِقبالِ مصطفائی
    مُرْسَل مُشتاقِ حق ہیں اور حق
    مشتاق وصالِ مصطفائی
    خواہانِ وصالِ کِبریا ہیں
    جُویانِ جمالِ مصطفائی
    محبوب و محب کی مِلک ہے ایک
    کَونَین ہیں مالِ مصطفائی
    اللہ نہ چھوٹے دستِ دل سے
    دامانِ خیالِ مصطفائی
    ہیں تیرے سپرد سب امیدیں
    اے جُود و نَوالِ مصطفائی
    روشن کر قبر بیکسوں کی
    اے شمعِ جمالِ مصطفائی
    اندھیر ہے بے تِرے مِرا گھر
    اے شمعِ جمالِ مصطفائی
    مجھ کو شبِ غم ڈرا رہی ہے
    اے شمعِ جمالِ مصطفائی
    آنکھوں میں چمک کے دل میں آجا
    اے شمعِ جمالِ مصطفائی
    میری شبِ تار دن بنا دے
    اے شمعِ جمالِ مصطفائی
    چمکا دے نصیبِ بد نصیباں
    اے شمعِ جمالِ مصطفائی
    قَزّاق ہیں سر پہ راہ گم ہے
    اے شمعِ جمالِ مصطفائی
    چھایا آنکھوں تلے اندھیرا
    اے شمعِ جمالِ مصطفائی
    دل سرد ہے اپنی لو لگا دے
    اے شمعِ جمالِ مصطفائی
    گھنگھورگھٹائیں غم کی چھائیں
    اے شمعِ جمالِ مصطفائی
    بھٹکا ہوں تو راستہ بتا جا
    اے شمعِ جمالِ مصطفائی
    فریاد دباتی ہے سیاہی
    اے شمعِ جمالِ مصطفائی
    میرے دلِ مردہ کو جلا دے
    اے شمعِ جمالِ مصطفائی
    آنکھیں تری راہ تک رہی ہیں
    اے شمعِ جمالِ مصطفائی
    دکھ میں ہیں اندھیری رات والے
    اے شمعِ جمالِ مصطفائی
    تاریک ہے رات غم زدوں کی
    اے شمعِ جمالِ مصطفائی
    ہو دونوں جہاں میں منھ اُجالا
    اے شمعِ جمالِ مصطفائی
    تاریکیِ گُور سے بچانا
    اے شمعِ جمالِ مصطفائی
    پُر نور ہے تجھ سے بزمِ عالَم
    اے شمعِ جمالِ مصطفائی
    ہم تِیرہ دلوں پہ بھی کرم کر
    اے شمعِ جمالِ مصطفائی
    لِلّٰہ ادھر بھی کوئی پھیرا
    اے شمعِ جمالِ مصطفائی
    تقدیر چمک اٹھے رضاؔ کی
    اے شمعِ جمالِ مصطفائی

  • Madina Chorr Aaey Haen

    مدینہ چھوڑ آئے ہیں مدینہ چھوڑ آئے ہیں
    مدینہ چھوڑ آئے ہیں مدینہ چھوڑ آئے ہیں

    مدینہ چھوڑ آئے اپنی دنیا چھوڑ آئے ہیں
    ہمارے پاس جنتا تھا اثاثہ چھوڑ آئے ہیں

    خدا کا گھر بھی چھوٹا ہے نبی کا آستانہ بھی
    لگا ہے دوہرا غم آقا مدینہ چھوڑ آئے ہیں

    ابھی تک دل وہی پر ہے ابھی تک جاں وہی پر ہے
    دل و جان کو وہاں روتا بلکتا چھوڑ ائے ہیں

    ابھی تک یاد آتی ہے مزارِ حمزہ کی رونق
    بھلا کیو سیدالشہدا کا خطہ چھوڑ آئے ہیں

    مدینے کے در و دیوار رستے سب مہکتے ہیں
    ذرا سا عطر لے کر مشک نافہ چھوڑ آئے ہیں

    خدا جانے وہ کیسی نور اور کرنوں کی بستی تھی
    اندھیرا ہے یہاں پر ہم اجالا چھوڑ آئے ہیں

    جہاں سے ساری دنیا میں اجاگرؔ فیض جاری ہے
    بقیعِ پاک میں زہرہ کا روضہ چھوڑ آئے ہیں

    #naatshareef #naat2023 #madina #ujagar #lyrics #tearful