Huzur PBUH Aap bnaen tou baat banti hay

حضور ﷺ آپ بنائیں تو بات بنتی ہے
حضورﷺ در پہ بلائیں تو بات بنتی ہے

حضور ﷺ میری خطاوں کا کچھ شمار نہیں
حضورﷺ روضہ دکھائیں تو بات بنتی ہے

حضورﷺ چاروں طرف سے دکھوں نے گھیرا ہے
حضور مجھ کو بچائیں تو بات بنتی ہے

حضورﷺ آپ کی نسبت ہے میرا سرمایہ
حضورﷺ مہر لگائیں تو بات بنتی ہے

حضورﷺ آپ کی نظر کرم رہے مجھ پر
حضور غم نہ ستائیں تو بات بنتی ہے

حضورﷺ شوق بہت ہیں مجھے زیارت کے
حضورﷺ خواب میں آئیں تو بات بنتی ہے.