Allah hi Allah Mairay Nabi ﷺ Di

اللہ ہی اللہ میرے نبی دی سب توں شان نرالی اے
سب دے عیب چھپاون والی اس دی ذات نرالی اے

میریاں امیداں دا گلشن ہریا بھریا رہندا اے
جس دن توں میں سبز گنبد دی ویکھ لئی ہریالی اے

اس دی مِثل مثال نہ کوئی اودے جیا لجپال نہ کوئی
سوہنڑیاں دے او سِر دا سائیں کوجیاں دا وی والی اے ۔

مینوں سدھ بدھ ہور نہ کوئی اینی گل سمجھا دیواں
جس تے سوہنڑاں ہو گیا راضی او ہی کرماں والی اے ۔

لکھ واری کوئی کردا پانویں دل تھیں اللہ اللہ ہُو
جے نئ دل وچ عشق نبی دا سمجھو بھانڈا خالی اے

دل وچ عشق دا چانڑ ہو وے فیر نیازی ویکھ ذرا
او سرکار دا روضہ دِسدا او روضے دی جالی اے

سب دے عیب چپاونڑ والی آقا دی ذات نرالی اے

💕صلی اللہ علیہ وآلہ وسلم ۔💕