💕حاجیوں کے بن رہے ہیں قافلے پھر یانبی
پھر نظر میں پھر گئے #حج کے مَناظر یانبی!
💕کر رہے ہیں جانے والے حج کی اب تیاریاں
رہ نہ جاؤں میں کہیں کر دو کرم یانبی!
💕آہ! پلّے زَر نہیں رَختِ سفر سَرور نہیں
تُم بُلالو تُم بُلانے پر ہو قادِر یانبی!
💕کِس قَدر تھا خوش مجھے جب پیش آیا تھا سفر
مُجھ کو اَب کی بار بھی بُلوائیے پھر یانبی!
💕دِل مِرا غمگین ہے اور جَان بھی ہے مُضطَرب
مُرشدی کا واسِطہ بُلوائیے پھر یانبی!
💕غم کے بادل چھا رہے ہیں آہ! میرے قَلب پر
حاضِری کی دو اِجازت مُجھ کو تُم پھر یانبی!
💕گنبد خضرا کے جلوے دیکھنے کب آؤں گا
کب تک اَب تڑپاؤ گے تم مُجھ کو آخِر یانبی!
💕کِس طرح تَسکین دُوں گا میں دلِ غمگین کو
رُہ گیا گَر حَاضِری سے میں جو قاصِر یانبی!
💕آہ! طیبہ سے اگر میں دُور رہ کر مَر گیا
رُوح بھی رَنجور ہوگی کِس قدر پھر یانبی!
💕جو مدینے کیلئے رہتے ہیں آقا بےقَرار
وہ بھی ہو جائیں ترے روضے پہ حاضِر یانبی!
💕آہ! میرا کیا بنے گا گَر نہ حج پر جاسکا
ہو کرم عطار پر ہوجائے حاضِر یانبی!
💞لَبَّیْكَ اَللّٰھُمَّ لَبَّیْكَ لَبَّیْكَ لَا شَرِیْكَ لَكَ لَبَّیْكَ
اِنَّ الْحَمْدَ وَالنِعْمَةَ لَكَ وَالْمُلْكَ لَا شَرِیْكَ لَكَ
💞صَلَّی اللّٰهُ عَلٰی حَبِیْبِهٖ سیّدنا مُحَمَّــدٍ وَّآلِـهٖ وَسَلَّمْ
صلی اللّٰه تعالیٰ علیہ وآلہ وسلم
Leave a Reply