پنجابی نعتیہ عارفانہ کلام
چل نبیؐ دے در تے
ویکھیں نظارے نُور دے
قدماں دے وچ حضورؐ دے
بن جانی تیری گل، چل
چل نبیؐ دے در تے
رنگیں پُر نُور فضاواں
جنت توں ودھ کے تھاواں
اوہناں توں صدقے جاواں
الله دی رحمت اوتھے
بکھری محبت اوتھے
راضی جے ہویا سوہناؐ
مُکنا اے اوتھے رونا
رحمت دی ہونی چھل، چل
چل نبیؐ دے در تے
ہسّن تدبیراں اوتھے
بدلن تقدیراں اوتھے
مہکن تعبیراں اوتھے
ٹُٹن زنجیراں اوتھے
دیندا اوہ دھیراں اوتھے
رجنا فقیراں اوتھے
کوئی جے تھوڑ تینوں
جنت دی لوڑ تینوں
سوہنےؐ دا بوہا مل، چل
چل نبیؐ دے در تے
مہکن ایمانی کلیاں
چہکن نورانی گلیاں
چَٹکن وجدانی کلیاں
اُترن آسمانی پریاں
سوہنےؐ دے در تے جا کے
جالی نُوں سینے لا کے
عرشاں دا زینہ دیکھو
سوہنا مدینہ دیکھو
مشکل نے جانا ٹل، چل
چل نبیؐ دے در تے
عیباں دے دفتر دھووے
اُمت دی خاطر رووے
غاراں سجائیاں سوہنےؐ
راہواں مہکائیاں سوہنےؐ
فرشاں تے آون والاؐ
عرشاں تے جاون والاؐ
ونڈواوے سوہناؐ ہاسے
بھردے نے کیوں کاسے
اوندا اے اوہنوںؐ ول، چل
چل نبیؐ دے در تے
سوہنےؐ وا مُنکر جیہڑا
ڈُبے گا اوہدا بیڑا
چہرہ لکووے گا اوہ
محشر نوں رووے گا اوہ
روے کُرلاوے گا اوہ
اوتھے پچھتاوے گا اوہ
رہنا نئیں کچھ وی پلّے
پینے ایہنوں کھلّے
لہہ جانی اوہدی کھل، چل
چل نبیؐ دے در تے
دُکھیا وی در تے جاوے
دُوری نہ وارا کھادوے
سوہناؐ جے کرم کماوے
اوتھے ای موت آوے
اکھیاں چوں اتھرو چلے
چلے سوہنےؐ دے ولے
پوری امید ہونی
ناصر دی عید ہونی
اج نہیں نے یارو! کل ۔۔۔۔ چل نبیؐ دے در تے چل نبی دے در تے چلن
ناصر چشتی
Leave a Reply